الاثنين، 8 يونيو 2009

أحلام لا تبلل الفراش

يحتكر كل أحلام النوم
لا يترك لي في يقظتي وقتا إضافيا
لأتأمل العالم ..

تشرق إبتسامته على أرضي
نهارا متلألأ بالشموس والأقمار
نجوما معلقة بين السماء والأرض
كبالونات الإحتفالات
كحلوى مختلطة بالخدع
في أعياد الهالوين
لا تصلح معه – هذا- كإشارة
لأنه أقرب لي من طريقتي في نداءه
ومن أدوات اللغة التي قد تدل عليه
يسحرني
يلاعب لأجله طواحين الهواء
ويحارب لأجلي مخاوف الطفولة

ينتصرعلى أم سحلول التي تراوده عن نفسه
وعلى أبو رجل مسلوخة الرابض
تحت سريري المسئول عن بللي للفراش كل ليلة
لأني اخاف ان يأكلني إذا وطأت بقدمي
أرضية الحجرة
يحتكر كل أحلام النوم
وتضيع عليّ كل ساعات اليقظة
في هلاوس تخصه
يقاوم مخاوفه وأحزاني
يربت على كتفي
قبل أن يدثرني في فراشي
يجلس جواري
يقص الحكايات

هناك 8 تعليقات:

Rosa يقول...

عالم الأحلام عالم من أجمل ما يكون من العوالم التي نعيشها و لكن مثلما قلتي المهم أن تكون أحلام غير مرعبة أحلام لا تبلل الفراشو لا تتركنا حين نستيقظ مستنفذين عصبياً من القلق و الخوف و الحزن.

ربنا يرزقك على طول بأحلام كلها بمبى و مليانة بالونات ملونة و شيكولاتة و قهوة :)

الست فرويد يقول...

:)

يربت على كتفي
قبل أن يدثرني في فراشي
يجلس جواري
يقص الحكايات

صباحك ورد :)

RASHA يقول...

ايوه دلوقتى فهمت يعنى المدونة ديه

بتاعتك انتى يا نهى اسلوبك واضح جدا

طبعا ولانى بحب اسلوبك اوى لما دخلت هنا امبارح

لاحظت الشبه الكبير فى الافكار وطريقة الكتابة

بس فى حاجة لما قريت تعليق هويدا صالح

كانت بتتكلم على واحدة تانية غير نهى محمود !!

وبتمدح اسلوبها فى الكتابة مش فاهمة يا قمر

كراكيب نـهـى مـحمود يقول...

shasha- صباح الورد
والله انا كنت فاكرة ان حد عارف اني نهى وباعت الايميل التاني علشان يهزر معايا
لكن فرحت جدا انك مكنتيش تعرفي ومع ذلك عرفتي اسلوبي
الحكاية كلها ان المدونة بقالها سنة من غير اسم وهويدا كانت عرفاني وكانت بتهزر معايا هي واحمد عبد اللطيف هنا
انا متشكره جدا وسعيدة جدا بيك
كل الامنيات الطيبة

الست فرويد يقول...

مفاجاة ليا ان نهى هى صوفى
:)

عارفه مين نهى بالنسبة لى

نهى اللى بقالى فترة اعرفها وفى اول مرة دخلت مدونتها قريت كل البوستات من ساعة ماابتديت هى فى التدوين وانا مش قادرة ابعد عينى عن الكمبيوتر

ولما انتهيت من القراءة اكتشفت من خلال عينى المرهقة من ضوء الشاشة ان مر عليا ساعتين وانا عند نهى

نهى اللى معرفتش اكتب لها ولا مرة تعليق علشان مش عارفه اوصف لها دقات قلبى لما بقرا لها
وكل مرة اقول هاقولها المرة الجاية

نهى اللى طبعت كل كلمات مدونتها على الورق علشان استمتع دايما بقرايتها شوية على السرير قبل ما انام

نهى اللى عرفت معها وحع الفقد ازاى ممكن يخلق ابداع لا حدود لها

نهى التى نقلت عن إيزابيل الليندي أكتب لأتداوى

نهى التى اقول لها الان
انى اقر سطرورك لاتدوى
واتنفس عبق الاحساس معكى لانتشى
واتعرف على مدخلات الوجود مرة اخرى معكى من خلال تعبيرات شاعرية راقية وصور مذهلة الروعة والحداثة فى دنيا الكتابة

ارق تحياتى لنهى
واعذبها على الاطلاق لصوفى :)

كراكيب نـهـى مـحمود يقول...

الست فرويد - يا خبر كل الكلام الجميل ده ليا انا مش عارفه اقولك ايه
انا متشكره جدا جدا
كل الحب والتقدير لك

يا مراكبي يقول...

أولا .. أنا متفهم ليه إنتي عملتي مدونة تانية .. أحنا من بعد شهرين من التدوين كلنا فقدنا الإنطلاقة والحرية العاتيه اللي كنا فيها نتيجة القيود اللي فرضناها على نفسنا تجاه الآخرين .. وده أمر نقاشه وشرحه يطول

لكن بجد أنا مبحبش تعدد المدونات لأنه صعب في المتابعة من الآخرين وصعب على الكاتب انه يتقمص شخصيتين مختلفتين كل شوية

المهم .. الف مبروك .. ودايما لقدام

Epitaph1987 يقول...

i totally love it!!!!